Шпанскиот тенисер тренирал на Централниот терен со Италијанецот Матео Беретини, кој денеска се повлече од Вимблдон поради позитивен корона наод.
Короната прави хаос на Вимблдон! По хрватскиот тенисер Марин Чилиќ, позитивен на корона е и еден од најголемите фаворити за освојување на турнирот - Италијанецот Матео Беретини.
Беретини денеска ја информираше јавноста дека бил принуден да се повлече од турнирот бидејќи бил позитивен на вирусот.
„Имам симптоми и неколку дена сум изолиран. И покрај тоа што симптомите не беа посериозни, решив утрово повторно да се тестирам и да го заштитам здравјето и безбедноста на сите учесници“, рече Беретини.
Пред да замине во изолација, Италијанецот тренираше со најдобриот шпански тенисер Рафаел Надал. Матео беше со Шпанецот на Централниот терен, разговараше со него, правеше селфи, се ракуваше и така го загрози и него!
Англиските медиуми побрзаа да објават дека и Новак тренирал со Чилиќ пред неколку дена и дека може да го напушти турнирот доколку се покаже позитивен на вирусот, а сега кога нивниот миленик е загрозен, нема такви шпекулации.
Се уште не се знае дали Надал бил тестиран и каков е резултатот. Шпанецот денеска треба да излезе на теренот и да го одигра првиот осминафинален натпревар против Франциско Серундол. Тој дуел треба да започне околу 16 часот на Централниот терен.
In a Wimbledon first, Rafael Nadal and Matteo Berrettini are training on Centre Court as they break in the court before the start of play. pic.twitter.com/3GJYeGZLcN
— Tumaini Carayol (@tumcarayol) June 23, 2022