Првата ѕвезда во нашата фудбалска репрезентација, Горан Пандев е оптимист пред почетокот на Еуро 2020. Пред неделниот дуел со Австрија од групата „Ц“, Пандев е оптимист дека може да очекуваме добар резултат.

„Атмосферата е одлична и едвај чекаме да започне првиот натпревар. Ние го остваривме нашиот сон и во недела ќе можеме да уживаме. Сакаме да започнеме силно на Европското првенство на мечот со Австрија и да оствариме позитивен резултат. Ќе се натпреваруваме со екипи на највисоко ниво. Оваа шанса ни избега во минатото. Имаме победнички менталитет, знаеме за што сме способни и сакаме да постигнеме добри резултати. Целта е да ја минеме групата и знаеме дека ова ќе биде огромен успех за нас. Сите македонски навивачи се зад нас“, рече Пандев

 

sportmedia.mk