Дефанзивецот околу кого се кршеа копја од летото, па се до оваа зима, Дајот Упамекано, од следната сезона ќе го носи дресот на Баерн.
Баерн ќе ја активира откупната клаузула од 42 милиони евра и со тоа ќе донесе одличниот стопер, но во Лајпциг не се премногу загрижени, затоа што веќе најдоа негова замена.
На местото на Упамекано следната сезона во својата одбрандбена линија Лајпциг ќе го има Мохамед Симакан, кој ќе пристигне од Стразбур, Франција, за нешто повеќе од 15 милиони евра. Симакан беше близу до трансфер во Милан на почетокот на овој месец, но германски Скај Спорт тврди дека на крајот Лајпциг успеал да го „затвори“ договорот.