Се играше 90+2.минута во Струга, резултатот беше во тој момент 0:0. И тогаш дојде киксот на домашниот голман Урош Ѓуриќ, кој место да зграпчи таа топка, тој како на тацна го послужи гостинскиот напаѓач Пејаковиќ кој таков подарок секако дека не простува. Мирно си ја пикна топката во мрежата на Струга ТЛ и му донесе голема победа на Пелистер.
Вакво нешто не му е првпат на Ѓуриќ, ако не се лажеме сезонава и Вардар го честеше со гол во судисокото продолжение.
По тој гол домашните жестоко реагираа, сметајќи дека има прекршок над нивниот голман. Нивниот револт беше голем со оглед на тоа што се случуваше во последните секунди од средбата и дека тој момент го одлучи победникот.
sportmedia.mk
