Напаѓачот на Наполи, Виктор Осимен ја изгуби свеста за време на вечерашниот меч меѓу Аталанта и Наполи и беше итно пренесен во болница, но според „Скај Спорт Италија“, напаѓачот на Наполи сега е добро.

Нигериецот по судирот со Кристијан Ромеро во последната минута на мечот падна во бесознание на теренот. „Скај Спорт Италија“ јавува дека Осимен изгубил свест, по што лекарите влегоа на теренот и веднаш беше пренесен во болницата во Бергамо, придружуван од лекарот на Наполи.

Според последните извештаи од клубот, Осимен паѓал и излегувал од свест на теренот, па затоа мораше итно да биде пренесен во блиската амбуланта каде ќе му се прават дополнителни испитувања.

sportmedia.mk