Фантастичната серија од 10 меча без пораз за екипата на Леванте заврши вечерва и тоа на нивниот стадион. Изненадувањето го приреди екипата на Осасуна, која славеше минимално со 1:0 против тимот на нашит репрезентативец Барди, кој денеска ги одигра последните 30-тина минути за својата екипа.
Леванте во мечот влезе со извонредна низа без пораз на 10 меча во сите натпреварувања, но се најде „лек“ и за оваа непобедливост. Со голот на Анте Будумир во 74. минута, гостите дојдоа до водство, кое само пет минути подоцна можеше да биде анулирано, ако Моралес успееше да погоди од белата точка. Неговиот шут го одбрани гостинскиот голман и не дозволи Леванте да остане непоразен.
sportmedia.mk