Бутел Скопје е првиот тим кој оваа сезона успеа да го совлада Охрид. Во второто дерби во рамките на првото коло во Супер-лигата, „бутелци“ славеа со 26-22 (11-7).
Гостите имаа водство само на стартот на натпреварот (0-2). По последното изедначување (7-7), домашниот состав со серија од 5-0 поведе со 12-7 во воведните минути на вториот дел. Охриѓани во ниту еден момент не се заканија посериозно, имаа негатива од шест гола (17-11), на крајот беа поразени со 26-22.
Печенковски со шест гола беше прв стрелец, еден помалку имаше Младеновски, во таборот на поразениот тим, Кривокапиќ имаше шест гола.
sportmedia.mk
