31-годишниот хрватски репрезентативец, Анте Ребиќ е новиот играч на Хајдук. Тој потпиша едногодишен договор со „белите“. Според договорот тој ќе заработува 450.000 евра годишно, а би можел да добие и бонус доколку Хајдук ја освои титулата.
Хајдук го потврди трансферот со соопштение на своите официјални канали, каде што Ребиќ се сликаше облечен во белиот дрес.
Тој се приклучува во Хајдук без обештетување бидејќи е слободен агент откако неговиот договор со италијанскиот Лече истече на 30 јуни. Минатата сезона тој одигра 28 натпревари во сите натпреварувања, но помина само 844 минути на теренот и постигна еден гол.
