Македонската одбојкарска репрезентација со победа тргна во новото издание на европската сребрена лига. Во премиерата на домашен терен, „црвено-жолтите“ доминираа, ја совладаа селекцијата на Босна и Херцеговина со 3-0.

Нашите одбојкари одлично го почнаа мечот создавајќи предност уште по неколкуте први поени. До 11:8 Босанците успеваа да се одржат во игра, но следуваа две серии од по 4:0, по што стигнавме до високи 16:9. Предводенинод расположените Никола Ѓорѓиев, Савовски, Маџунков и младиот Илијев, Македонија мирно го приврши сетот до 25:16 за предност од 1:0.

Доминацијата од првиот сет продолжи и на стартот на вториот сет. Тргнавме моќно и на стартот направивме високи 7:1. Босанците успеаја за момент да ја прекинат серијата на нашата репрезентација, но со извонредна реализација на Милев и Илиев во нападот и цврст блок, се одлепивме и на 10:3. Предноста ја зголемивме и на плус 10 (16:6), по што БиХ успеа да се консолидира и да ја намали негативата на 18:12. Следуваше мал пад во нашата игра која ги врати Босанците на минус 5 (20:15).

Сепак, по еден тајм-аут на селекторот Павличевиќ ја вративме свежината и го привршивме сетот во наша полза со 25:17 за 2:0.

Третиот сет почна израмнето. Се играше поен за поен до 3:3, по што следуваше серија на сервис на младиот Стојан Илиев за 7:3 за Македонија. БиХ врати со иста мера и успеа да израмни на 8:8. Слабиот прием на нашата репрезентација им даде шанса на гостите да дојдат и до водство (9:10, 10:11). Откако го надминавме овој пад во играта дојдовме до предност од 15:13, но Босанците не се предадоа и понатаму го држеа сетот во егал. Во финалето на сетот влеговме со предност од два поени, 21:19. Иако пропуштивме две меч-топки да го рњшимњ мечот инпорано, сепак последната шанса ја иакористи Никола Ѓорѓиев за 25:23 и победа од 3:0.

sportmedia.mk