Откако синоќа се комплетираа двојките и патниците во нокаут-фазата на Еуро 2020, стигнаа и најновите статистички проценки за најголемите фаворити за освојување на првенството на Стариот континент.
Компанијата „TheAnalist“ во своите последни пресметки, на врвот на листата на фаворити за златото на Еуро 2020 ја стави Франција. Проценетите шанси на „триколорите “ се 19,6%, а втор фаворит на листата, сега е Белгија, која според анализите има 17.9% шанси да ја освои европската фудбалска титула.
Бранителот на трофејот од 2016-тата, Португалија, кој на почетокот на ова првенство беше трет фаворит, сега падна на дури 8. место на листата со само 5,8% шанси за освојување на титулата. Интересно, на дното на листата се Хрватска и Австрија. На еден од нашите ривали во групата им се даваат само 0,1% шанси да бидат европски шампиони, а ништо подобри не се ни Хрватите кои имаат проценети шанси од 0,5% да бидат на врвот на Стариот континент.
sportmedia.mk
