Покрај скандалот кој го „тресе“ српскиот фудбал со наместени мечеви, денеска се случи нов.
Во Првата лига (по ранг втора во Србија), меч траеше само шест минути. И тоа помеѓу поранешните прволигаши Раднички Крагујевац и Борац Чачак.
Гостите од Чачак останаа без потребниот број на играчи на теренот.
Борац излегол на теренот со шест играчи плус голманот, колку што е минимумот. Меѓутоа по само шест минути еден од играчите се пожалил на повреда, морал да излезе, по што мечот е прекинат.
Овој потег на тимот доаѓа само два дена по казната од ФСС за одземање на шест бодови и глоба од 4 милиони денари поради „повреда на интегритетот на натпреварувањето“ со Железничар Панчево.
Инаку фудбалерите на Борац пред тргнувањето на пат кон Крагујевац, излегоа со маички на кои стоеше 1Х2.
sportmedia.mk