Играчот на Баерн Минхен Серж Гнабри ќе ги пропушти двата меча против Пари Сен Жермен од четвртфиналето на Лигата на шампионите. Германскиот репрезентативец требаше да го замени повредениот Роберт Левандовски во нападот, но сега Ханси Флик нема да може да го стави во тимот затоа што има позитивен тест на коронавирус.

Гнабри го пропуштил денешниот тренинг и е во карантин. Од клубот соопштија дека фудбалерот се чувствува добро, но ќе мора да оди во карантин што значи дека ќе го пропушти утрешниот меч како и реваншот идната недела.


sportmedia.mk