Русинот Данил Медведев триумфираше на АТП турнирот во Марсеј што беше негов прв трофеј оваа сезона и вкупно десетти во кариерата и така успеа да го разбие монополот на првите две позиции кои повеќе од 15 години го држеа четири играчи.
Русинот од денеска е 2. играч на светот. Ова е историски момент затоа што Русинот е првиот тенисер кој не е „Големата четворка“ (Ѓоковиќ, Надал, Федерер, Мари) кој се нашол меѓу првите двајца играчи уште од 18 јули 2005 година кога Австралиецот Лејтон Хјуит стигна до позиција 2 веднаш зад Рожер Федерер.
На најновата АТП листа Ѓоковиќ остана прв со 12008 поени, втор е Медведев со 9940, а трет е Рафаел Надал со 9670 поени. Топ 5 ја формираат Доминик Тим и Стефанос Циципас. Следуваат Федерер, Зверев, Рубљов, Шварцман, Беретини…
sportmedia.mk