Ако не можеше да го купи Њукасл, поточно властите од В. Британија тоа не го дозволија, се чини дека пребогатиот принц од С. Арабија Мохамед бин Салман, кој е на чело на Инвестицискиот фонд вреден 350 милијарди долари, би можел да купи акции на Интер, и да биде еден од сопствениците на клубот.

Оваа вест, која беше лансирана утринава во Италија, наиде на еуфорија кај фановите на еден од најголемите клубови во светот.

Се знае што значат петро – доларите од С. Арабија, се знае дека ако Бин Салман влегува во Интер, тогаш има намера да го направи најдобриот клуб во светот.

Сепак останува да се види како ќе се развиваат настаните во Интер, секако и ставот на актуелните газд на клубот кои се од Кина.

Се разбира дека треба да се види и ставот на Владата на Италија, познато е дека Бин Салман како поединец не е многу омилен кај светските сили.

sportmedia.mk