Ненад Димитријевиќ и Хувентуд не успеаја ниту на втората средба да дојдат до триумф над Виртус Болоња. Шпанскиот тим на домашен терен беше совладан со 78-84 и со овој пораз го заврши настапот во Еврокупот.

Ова беше меч во кој гостите доминираа во текот на целиот меч. Одиграа одлично во првото полувреме, по кое имаа водство од 31-43. До крајот Виртус не дозволи изненадување, го заврши дуелот во своја корист и се пласираше во полуфиналето на Еврокупот. Хувентуд ја надокнади негативата од 23, но немаше сили за нешто повеќе.

Македонскиот репрезентативец средбата ја заврши со седум поени (0/1 за три, 3/5 за два, 1/2 за еден поен), за 13. минути во игра додаде три скока и една асистенција.

 

sportmedia.mk