Српскиот интернационалец Немања Обрадовиќ е нов член на Еурофарм Пелистер. Левиот бек потпиша едногодишен договор со битолскиот клуб и ова лето ќе пристигне во нашата земја и официјално ќе биде претставен во Битола. Обрадовиќ доаѓа од ППД Загреб, клуб за кој настапуваше во сезоната 2020/21.
30-годишниот лев бек има огромно искуство од настапите во неколку национални првенства во Европа, а исто така играл со неколку клуба и во Лигата на шампионите. Обрадовиќ е роден во Крушевац, а во српската лига ги носел дресовите на Напредак, Јагодина и Металопластика.
Првото интернационално искуство беше во Франција, каде играше за Валанс, од каде во 2016 година премина во Металург. По настапите во Автокоманда, Обрадовиќ настапуваше за Висла, Мешков Брест и ППД Загреб.
За српската репрезентација настапи на 20 натпревари и постигна 26 гола.
sportmedia.mk
