Не успеа планот за формирање на европска Супер лига, но промените во светскиот фудбал може да отидат во друг правец. Според британскиот весник „Сан“ постои идеја за раѓање на Британска Суперлига во која покрај премиерлигашите ќе учествуваат и шкотските гиганти Ренџерс и Селтик. Притоа Премиер лигата да се трансформира во 18 учесници. Се претпоставува дека тоа ќе го зголеми квалитетот на натпревари, интересот, но и ќе го привлече телевизискиот аудиториум за ова интересно првенство кое секако треба да добие дозвола од УЕФА и ФИФА кои неколку пати дале позитивно мислење за ваков тип на меѓугранични лиги под британско раководство.

Неколку години наназад се зборува за обединување на белгиската и холандската лига за подобар квалитет, повеќе пари и поинтересни натпревари. Одамна се зборува и за балканска лига која засега е само на хартија.

А и оваа идеја со приклучување на Ренџерс и Селтик во Премиер лигата е одамна, но не е толку сериозно разгледувана. Би било добро најтрофејните во Шкотска да се приклучат во Премиер лигата и за своја промоција и финансиски бенефит и за поквалитетна Премиер лига.

sportmedia.mk