Фудбалерите на Барселона на домашен терен во првиот меч без Лионел Меси го победија Реал Сосиедад со убедливи 4:2 на стартот на новата сезона во шпанската „Ла Лига“.

Пред овој меч претседателот на Барселона, Жоан Лапорта беше на мета на навивачите кои испратија бројни навреди на негова сметка. За време на изборите, тој вети дека Меси ќе остане во клубот.

Тие поставија бројни транспаренти: „Меси во Париз, ти на Ибица!“, „Лапорта, ти си келнер на Флорентино“ или „Барса не е твоја работа“.

Токму поради бројните реакции од страна на фановите на Барселона, Лапорта денеска закажа прес-конференција на која ќе зборува за долговите на претходникот, Бартомеу и долговите кои ги остави.


sportmedia.mk