Вечерва во Арената “Борис Трајковски“ во Скопје, АМС ги прогласи најдобрите спортисти за 2020 година. Манифестација која традиционално се одржува.
И како што најавивме, фудбалот доминираше. Како не би кога нашата најдобра репрезентација предводена од капитенот Горан Пандев во минатата година успеа, по триумфот во Тбилиси, да ја победи Грузија и да се пласира на ЕВРО 2020.
Токму затоа Горан Пандев е најдобриот спортист на Македонија за 2020. Наградата ја прими, од рацете на Премиерот на Владата на Р. Македонија Зоран Заев, неговиот брат Сашко Пандев. Најдобра репрезентација е фудбалската, за селектор тоа е предводникот на нашиот национален тим Игор Ангеловски, и секако, за најдобра федерација е Фудбалската федерација која на чело со Муамед Сејдини може да се пофали дека е нај, нај во изминатата 2020 година.
Да кажеме и тоа дека самата манифестација беше одржана според протоколите за Ковид-19.
Во продолжение може да ги видите сите добитници на признанијата за изминатата 2020 година.
СИТЕ ДОБИТНИЦИ
најдобар спортист: Горан Пандев (фудбал)
најдобра спортистка: Вероника Костова (карате)
селектор: Игор Ангеловски (фудбал)
национален тим: Фудбалска репрезентација
најдобра федерација: Фудбалска федерација на Македонија
млада спортистка: Магдалена Божиновска (карате)
млад спортист: Роберто Ацковски (карате)
спортист со лица со инвалидитет: Владимир Тркаљанов (шах)
sportmedia.mk