Менаџерот на Кристал Палас, Рој Хоџсон потврди дека напаѓачот на лондонските орли, Вилфред Заха, ќе отсуствува подолго време од теренот поради повреда на тетивата. Заха мораше да го напушти теренот во вторникот во 58-та минута во победата над Њукасл на гости (2:1).

„Не знаеме колку долго ќе отсуствува. Тој сигурно нема да биде достапен за мечот во Лидс, и веројатно многу подолго од тоа. Никогаш не знаете со повредите на тетивата. Станува збор за напрегање на мускулите и секогаш е потребно време за опоравување. Затоа не би сакал да брзам со него“, изјави Рој Хоџсон.

Заха е еден од најдобрите играчи во тимот и веќе постигна девет гола оваа сезона.

sportmedia.mk