Со двата меча вечерва се комплетира 3. коло во македонската Прва кошаркарска лига. МЗТ Скопје го совлада Еуроникел во гости со 69:75. Домашните играа добро само во првата четвртина кога водеа, а потоа „штрковите“ на полувреме ги свртеа работите во своја полза (32:42). Сепак, домашните не се предадоа и веќе третиот период го добија со 18:7 и се чинеше дека ќе имаат сили за добра завршница и победа меѓутоа гостинот ги запре нападите на противникот, а притоа го полнеше нивниот кош. На крајот победа на МЗТ. Дамјан Стојановски постигна 18, а Кристијан Николов даде 13 поени кај МЗТ. Дејвис и Џекиќ беа најефикасни кај Еуроникел.
Пелистер ја запиша третата победа во третиот меч во новата сезона. На свој паркет славеше против Феникс 2010 со 86:74 иако на полувреме губеше со 45:48. Најефикасен на мечот беше Кларк со 20, а соиграчот од Феникс Морган уфрли 18 поени. Кај пелистерци Хотон постигна 14 поени, Стајиќ 13.
