МЗТ Скопје дојде до шестата победа оваа сезона во АБА 2-лига, без проблем и многу лесно го совлада Ловќен со убедливи 55-96 и фатија приклучок кон горниот дел од табелата со 15 бода. Во таборот на „сино-белите“ денеска се функционираше, нападот беше течен, средбајата ја завршија со 18 тројки од 26 обиди.
Моќно прво полувреме одиграа избраниците на Ѓорѓи Кочов, брзо го „скршија“ отпорот на противникот. По 5-4 за Ловќен, МЗТ Скопје со серија од 4-14 поведоа со 9-18, по првата четвртина имаа двоцифрени 11-24. Кошаркарите на македонскиот тим продолжија во ист ритам, полека ја зголемуваа позитивата, највисоката беше 18 поени (11-129, 26-44 и 31-49).
Не се промени ништо по одморот, во 27. минута по петте поени на Бојан Крстевски и тројката на Дамјан Стојановски, МЗТ Скопје се искачи на 36-66. На другата страна противникот правеше премногу грешки. Вп последната четвртина резултатот беше 43-77.
Во последниот меч, Младост Земун ќе биде противник на македонскиот тим, дуелот се игра за два дена.
ФОТО: АБА 2-ЛИГА/ Драгана Стјепановиќ
sportmedia.mk
