МЗТ Скопје и Работнички продолжуваат со обврските кон АБА 2-лига. Македонските престатвници во второлигашкото јадранско натпреварување го играат последниот турнир, домаќин одново е Златибор.
Прв на сцената ќе настапи тимот од Аеродром, за противник го има составот на Спарс. Избраниците на Дарко Радуловиќ, кој од пред скоро време ја превзема тренерската улога, иако го обезбедија местото во следната рунда, сепак ќе се обидат да завршат на едно од горните места на табелата.
Спарс е пред МЗТ Скопје на третото место со 17 бода, додека македонскиот тим го дели четвртото место со Младост, Слобода Ужице и Златибор, сите имаат 16 бода.
Нема да биде лесно за „сино-белите“, во составот ќе немаат тројца стандарни кошаркари. Магдевски, Олуџоби и Гравет не се во Златибор.
Натпреварот меѓу МЗТ Скопје и Спарс се игра вечерва (21 часот), утре Работнички ќе ги одмери силите со Борац.
sportmedia.mk
