МЗТ Скопје дојде до четвртата победа во низа, откако на гостувањето кај Еуро Никел славеше со убедливи 81-96 во заостанат меч од 19. коло во Првата лига. За кавадарчани ова беше последен натпревар од регуларниот дел, за разлика од првата пресметка со тимот од Аеродром, овој пат беа под нивото, имаа сили само за едно полувреме.
Точно по 20. минута при 48-45, гостинските кошаркари третиот период го добија со 30-17 и ја најавија победата. Кавадарчани не успеаја да го пратат ритамот на противникот, на крајот мораа да се помират со седмиот триумф оваа сезона, кој веќе не ја гарантира втората позицијата на табелата.
Магдевски со 19 поени беше прв стрелец, 15 поени имаше Карачиќ, додека Гравет еден помалку. Кај домашниот состав, Рикиќ со 18 поени и Соколов со 17 поени беа најефикасни.
sportmedia.mk
