logo
logo
logo

МЗТ Скопје го „растури“ ФМП со 20 разлика и се пласира во финалето на Купот

Vecer | 15.05.2021

МЗТ Скопје го „растури“ ФМП со 20 разлика и се пласира во финалето на Купот

Екипата на МЗТ Скопје Аеродром е првиот полуфиналист на Купот на Македонија „Благоја Георгиевски Буштур“ откако денеска ја оправда фаворитската улога во дуелот со Академија ФМП. „Штрковите“ славеа убедлива победа од 92-72 во салата СРЦ Кале и стигнаа до 14. финале во Купот на Македонија во својата историја, а прво по 2018. година.

Тесно беше во првата четвртина кога МЗТ имаше предност од два поени (18-16), но до полувреме МЗТ направи висока предност (39-29). На крајот на третата четвртина беше 21 разлика во корист на „штрковите“ (69-48) и веќе беше јасно кој ќе патува во финалето. На крајот победата МЗТ ја избори со 20 поени разлика.

Најефикасен на натпреварот беше Стефан Крстајиќ од ФМП кој постигна дури 29 поени. Кај победничкиот тим најмногу поени постигна Андрија Бојиќ (18), Кристијан Николов уфрли 14, по 11 имаа Крстевски, Олујоби и Карачиќ.

МЗТ Скопје во финалето ќе го чека подобриот од мечот Работнички – Еуроникел.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk