Додека траеше хаосот околу Суперлигата на Европа, Жозе Мурињо доби отказ во Тотенхем, а во меѓувреме лондонскиот клуб го назначи 29-годишниот Рајан Мејсон за тренерската позиција до крајот на сезоната.
Мурињо не успеа да го трансформира Тотенхем во шампионска екипа, а испаѓањето од Лига Европа и слабите настапи во Премиер лигата веројатно му пресудија (некои споменуваа дека неговото противење за формирањето на Суперлигата било клучно за отказот).
А за Жозе стигнала и првата понуда. Според „Сан“ трофејниот шкотски клуб Селтик го контактирал португалскиот стратег и планира да му даде богат договор доколку сака да дојде во Шкотска.
Селтик ја прекина доминацијата оваа сезона во Шкотска. На тронот се искачи Ренџерс, па „зелено-белите“ бараат враќање на тронот и засилување на екипата. И тие немаат тренер, па сакаат да си ја испробаат „среќата“ со Мурињо. Португалецот беше во топ-клубови, ќе видиме дали ќе прифати да работи во великанот на европскиот фудбал но во неатрактивна лига.
Во Шпанија пишуваат дека Мурињо е во плановите на еден тамошен клуб. Газдата на Валенсија, Питер Лим не е задоволен од сезоната во која нема да биде на место кое води во Европа, па е решен да направи коренити промени. Хави Грaсија во моментов кормиларот на Валенсија со сигурност заминува на лето, а наводно Мурињо е на списокот за негов наследник.
sportmedia.mk
