Кошаркарите на Монако се новите освојувачи на Еврокупот. И на вториот натпревар од финалето, Монако го совладаа Уникс во Казан со 86:83 и за првпат во историјата дојде до трофејот од второто по ранг европско кошаркарско натпреварување.

Натпреварот во Казан беше изедначен од првата до последната минута, што се потврдува со фактот дека ниту една од екипите немаше повеќе од шест поени предност. Иако рускиот тим имаше поддршка од нешто повеќе од 5000 навивачи, Монако на крајот излезе како победник.

Греј, кој беше прогласен за МВП, беше најефикасен со 25 поени, О’Брајан додаде 16, а Де Бост и Најт имаа по 14. Кај Уникс Браун постигна 16 поени.

И двата тима со самиот пласман во финалето обезбедија учество во Евролигата за следната сезона.


sportmedia.mk