Никола Митревски дефинитивно ќе биде во составот на македонската ракометна репрезентација за денешната средба против Црна Гора, втора на Европското првенство.
Искусниот голман вчера пристигна во Дебрецен, тој како и сите останати ракометари ќе му бидат на располагање на селекторот, Кирил Лазаров за мечот со Црногорците.
На листата која ЕХФ ја објавува после добиените резултати од Ковид-тестовите се наоѓаат сите ракометари, ова значи дека Лазаров ќе може слободно да го крои конечниот список, кој биде објавен на два часа пред мечот, кој е закажан со почеток во 18 часот.