Изабела Интерно (52), поранешна девојка на италијанскиот фудбалер Донато Денис Бергамини (27), кој почина на 18 ноември 1989 година во наводна сообраќајна несреќа, е обвинета за убиство со умисла 32 години по трагичниот инцидент.
Првично се верувало дека станува збор за самоубиство кога телото на несреќниот Бергамини, кој според првичната верзија бил прегазен од камион, било пронајдено на патот во близина на градот Розето Капо Спулико во Калабрија.
Членовите на семејството, бројни новинари и поранешни соиграчи никогаш не сметале дека е веројатно таква реконструкција на настанот, бидејќи имало многу нелогичност и пропусти во доказите од самиот почеток.
🔵Morte Donato #Bergamini Rinviata a giudizio Isabella Internò, ex fidanzata del calciatore del Cosenza morto il 18 novembre 1989 sulla statale 106. È accusata di concorso in omicidio, aggravato dalla premeditazione e dai futili motivi. Il 25 ottobre la prima udienza. pic.twitter.com/po8SaUzaXG
— Rai Radio1 (@Radio1Rai) September 20, 2021
Во ноември 2017 година, по дополнителна истрага по наредба на судот во Кастровилари, обдукцијата потврдила дека смртта на играчот била предизвикана од задушување (давење) пред да заврши под тркалата на камионот.
Конечно, речиси 32 години по смртта на Бергамини, неговата поранешна девојка Изабела Интерно и камионџијата Рафаело Писано се обвинети за убиство.
Според обвинителот, Интерно, која тогаш имала 19 години, го убила своето момче поради прекин на нивната врска. Откако го дрогирала, таа наводно го задавила со помош на непознати луѓе, а потоа го симулирала неговото самоубиство.
Првото рочиште за судењето е закажано за 25 октомври и се чини дека вистината во оваа приказна, која е како филм, конечно би можела да излезе на виделина.
Донато „Денис“ Бергамини беше играч од средниот ред кој својата кариера ја изгради во италијанските клубови - Имола, Руси и Козенци, во кои остави најдлабока трага во текот на пет години играње.