Федерико Басчирито, дефанзивецот на Лече за малку ќе ја пропуштел шансата да го оствари својот сон, а тоа е да биде дел од репрезентацијата на Италија за време на јунскиот циклус во Лигата на Нации.
Имено на неговиот телефон имало пропуштен повик.
„Не ми беше мемориран бројот, мислев дека некој се јанува да ми честита дека со Лече изборивме опстанок. И затоа не се јавив, ни во сон не помислив дека ме барал селекторот Манчини“ вели играчот на Лече и новиот репрезентативец на Италија.
Сепак имал среќа…
„Си реков ако е нешто важно тогаш пак ќе ми се јават. И навистина по неколку минути добивам повик од истиот број и тој човек ми вели дека е Манчини. Јас мислев дека некој се шегува со мене. Потоа сфатив дека навистина е тој и ме праша дали сум подготвен да бидам дел од репрезентацијата. Му одговорив дека ко треба и пеш ќе дојдам на собирот“ истакна Басчирито.
Инаку Италија во квалификациите за ЕВРО 2024 е во нашата група, во септември доаѓа во Скопје.
