Работнички имаше свои шанси против МЗТ Скопје, но во самиот финиш кошаркарите направија недозволиви грешки, противникот казни, а Димититар Мираковски и неговите момци останаа на двете победи од првиот турнир.
„Со МЗТ Скопје имаме одиграно многу вакви мечеви кои имаат друга енергија. Ние одигравме лош меч, се баравме себеси во текот на натпреварот, не можевме да влеземе во посакуваниот ритам, не знам дали беше поради раниот термин или нешто друго. Моравме да поставиме зона, успеавме да се вратиме и да поведеме, но на крајот најискусните играчи направија катастрофални грешки, промашен зицер и чекори на капитенот. Бевме блиску до победата, но тоа е кошарката“, изјави Димитар Мираковски.
sportmedia.mk
