logo
logo
logo

Милвоки се избори за „мајсторка“, Миделтон испиша историја (ВИДЕО)

Vecer | 18.06.2021

Милвоки се избори за „мајсторка“, Миделтон испиша историја (ВИДЕО)

Милвоки успеа да го совлада Бруклин во шестиот меч од полуфиналето на Истокот со 104-89 и се избори за мајсторка, која ќе го одлучи патникот во конференциското финале.

Јанис Адетокумпо беше стандарден, мечот го заврши со 30 поени и 17 скока, но за триумфот на Бакси и тоа како свој удел имаше Крис Миделтон. Пружи партија за паметење, зад своето име запиша 38 поени, што е негов рекорд во разигрувањето.

Од игра имаше 11/16, за три поени 5/8, додека од линијата за слободни фрлања промаши само еднаш 11/12. На овој учинок додаде 10 скока, пет асистенции и пет украдени топки. Миделтон стана првиот играч во историјата на НБА-лигата, кој постигнал најамлку 30 поени, 10 скока, пет асистенции, пет украдени топки и пет тројки, во разигрувањето.

Нетси веќе втор меч во низа се без Кајри Ирвинг, кој се повреди. Но, ниту Џејмс Харден не изгледаше премногу расположен, имаше 16 поени. Кевин Дурент беше одличен, запиша дабл-дабл од 32 поени  и 11 скока, кои не беа доволни за победа.

[embed]https://www.youtube.com/watch?v=m7gJu2VeebA[/embed]


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk