Откако Џиџио Донарума и натаму продолжува да го оддолговлекува потпишувањето на новиот договор со Милан, „росонерите“ наводно веќе си обезбедиле ново голманско име за следната сезона.

Спортскиот директор Фредерик Масара и техничкиот директор Паоло Малдини велат дека се уште не загубиле надеж за затворање на долгите разговори со репрезентативниот голман на Италија, но во меѓувреме бараат солуција во случај договорот да пропадне.

„Калчомеркато“ тврди дека Масара и Малдини во меѓувреме, веќе постигнале договор со Лил околу ангажман на голманот на францускиот тим, Мајк Маињан.

25-годишниот голман на Лил би сакал да се пресели на Сан Сиро и со него разговорите се начелно затворени, останува да се почека затворање на трансферната сума.

sportmedia.mk