Местенки во Париз? Човек од Звезда сакал да се обложи со 5 милиони евра на висок пораз!

epa07067204 Neymar of Paris Saint Germain celebrates after scoring the 6-1 during the UEFA Champions League Group C soccer match between Paris Saint Germain and FC Red Star Belgrade at the Parc des Princes stadium in Paris, France, 03 October 2018. EPA-EFE/CHRISTOPHE PETIT TESSON

Францускиот весник „Л’Екип“ тврди дека УЕФА ги известила француските власти за нелегални активности на мечот Пари Сен-Жермен-Црвена Звезда од Лигата на шампионите, и тоа поради однесувањето на еден од првите луѓе на српскиот шампион.

ПСЖ ја совлада Звезда со високи 6:1 во второто коло од Лигата на шампионите, и иако ова не беше до толку неочекуван исход, според „Л’Екип“, некој од функционерите на Звезда пред мечот се обидел да се обложи со неверојатни 5 милиони евра дека ПСЖ ќе победат со барем пет голови разлика (5+) против српскиот клуб и УЕФА веднаш ги известила француските власти.

Според Л’Екип, неименуваниот човек на Звезда се обидел да ги уплати парите преку повеќе портали за обложување, но за ова директно бил информиран претседателот на УЕФА, Словенецот Александер Чеферин.

Доколку оваа верзија на приказната е верна, тогаш Црвена звезда ја очекува строга казна, со можно исфрлање од натпреварувањето.

Фото: ЕПА

ЛШ: Нејмар и ПСЖ ја „разбија“ Црвена звезда, Шалке ја освои Москва (видео)

извор: Makfax

Поврзани

Најнови вести

Коментари