Едгар Бадиа, голманот на Елче имаше одлична вечер на гостувањето кај Барселона во заостанатиот меч од Примера. Иако неговиот тим загуби со 3:0 сепак, младиот голман беше најзаслужен што неговиот тим не прими многу повеќе голови, и не доживеа дебакл.
По мечот, Бадиа се поздрави со Лионел Меси, го побара неговиот дрес за спомен, што секако и го доби но на негово големо изненадување, Меси го побара и дресот на Бадиа за спомен што нормално чуварот на мрежата не го очекуваше.
„Да, бев изненаден од неговата реакција мора да признаам. Сепак, друго со помислив кога заврши мечот. Дека мојот тим може да се носи со најсилните, и дека можеме да обезбедиме опстанок што ни е примарна цел“ – изјави Бадиа.
sportmedia.mk
