Лионел Меси достигна уште еден рекорд, а уште во наредното коло и ќе го урне рекордот по број на настапи за Барселона во Ла Лига. Вечерва Аргентинецот се најде во првите 11 за мечот со Алавес што е негов 505. натпревар за Барса во првенството на Шпанија изедначувајќи се со легендарниот играч на каталонскиот клуб Чави Ернандез.

До крајот на сезоната Меси добро ќе ја „набилда“ бројката на чело на табелата.

Меси дебитираше за Барса против Еспањол на 16 октомври 2004 година, а тогаш Чави го играше 168. натпревар.

За мечот со Алавес во првиот тим се најде и 18-годишниот Илакс Мориба што е негов прв меч за Барса во шпанското првенство.

sportmedia.mk