Поранешниот германски фудбалер, а сега актуелен кадидат и за селекторското место во германската репрезентација, Лотар Матеус (60) вели дека Хасан Салихамиџиќ и Ханси Флик нема да можат да работат заедно во иднина.
Веќе подолго време има напнати односи меѓу спортскиот директор и тренерот на Баерн, што неодамна и самиот Флик го призна, кога рече дека во еден момент дури и му рекол на Салихамиџиќ да „замолчи“, но подоцна се извини.
Матеус верува дека еден од нив ќе си оди уште ова лето, а близу до заминување е Флик, кој му е противкандидат на Матеус на патот кон кормилото на Бундестимот.
„Според мене, престојот на Флик е само обична формалност. Изјавите дадени од Ханси и Оливер Кан во текот на викендот само сугерираат дека воопшто не е јасно дека Флик ќе остане тренер и следната сезона. Напротив. Не верувам дека тој ќе продолжи да соработува по оваа сезона. Откако никој од клубот не даде јасна изјава за останувањето на Флик во Баерн до крајот на неговиот договор во 2023 година, одлуката ќе биде или останување на Салихамиџиќ или Ханси“, тврди легендарниот фудбалер.
sportmedia.mk