Мартин Велковски, ракометарот на Е. Пелистер се надева дека на утрешниот меч во Битола со Татран Прешов од Словачка, во рамките на СЕХА лигата, по повредата ќе биде максимално подготвен.
„Очекував порано да се вратам од повредата. Сè уште заздравувам и влегувам во ритам и се надевам дека ќе бидам максимално спремен против Татран Прешов и дека ќе се вратам на нивото на кое што бев пред повредата. Одложувањето на натпреварот против Рајн Некар Левен ни отвори шанса повеќе да се спремаме за Словаците. Се подготвуваме за нивниот целокупен тим, сепак доаѓаат со играчите кои го влечат товарот во екипата. Ги анализиравме добро и се надевам дека ќе се покажеме во вистинско светло, бидејќи натпреварот е многу важен за нас, за да го осигураме второто место во групата во СЕХА лигата“, заврши ракометарот на Е. Пелистер.
sportmedia.mk