Манчестер сити ризикуваат исфрлање од Лигата на шампионите!

epa07159335 Manchester City's David Silva (2ndL) celebrates scoring during the English premier league soccer match between Manchester City and Manchester United at the Etihad Stadium in Manchester, Britain, 11 November 2018. EPA-EFE/Nigel Roddis EDITORIAL USE ONLY. No use with unauthorized audio, video, data, fixture lists, club/league logos or 'live' services. Online in-match use limited to 75 images, no video emulation. No use in betting, games or single club/league/player publications

Манчестер сити можат да бидат исфрлени од Лигата на шампионите ако се остварат шпекулациите дека УЕФА направила заклучок дека англискиот шампион „мамел“ околу својата финансиска состојба, јавува „Асошиејтед прес“.

УЕФА наводно, преку електронските пораки на Сити, објавени од „Дер шпигел“ минатиот месец ги открила шемите кои ги користеле во клубот за да ги сокријат приходите на тимот во обид да го исполнат финансискиот фер-плеј (ФФП).

Сити веќе беа казнети за непочитување на ФФП, откако во 2014 година се договорија со УЕФА да бидат финансиски казнети наместо да добијат суспензија од Лигата на шампионите по „местење“ на спонзорските договори со компании поврзани со сопствениците на клубот.

Според „Дер шпигел“, електронските пораки покажуваат дека има манипулација со спонзорските договори со „Етихад ервејс“, компанијата во сопственост на Абу Даби, која ги има правата за именување на стадионот на Сити и се наоѓа на дресот на клубот. Овој спонзорски договор носел 67.5 милиони фунти годишно, но холдинг-компанијата која е сопственост на Сити, „Абу Даби Јунајтед групацијата“, враќала 59.9 милиони фунти назад на „Етихад“.

„Ја разгледуваме ситуацијата и има независно тело кое работи на случајот. Наскоро ќе ги имаме одговорите“, изјави претседателот на УЕФА, Александер Чеферин во понеделникот.

Документите на „Дер шпигел“ покажуваат дека Сити се обиделе вештачки да ги зголемат приходите, откако холдинг-компанијата праќала кеш за откуп на комерцијалните права на фудбалерите.

Фото: ЕПА

извор: Makfax

Поврзани

Најнови вести

Коментари