Директорот на Милан Паоло Малдини денеска потврди дека Златан Ибрахимовиќ е многу блиску до потпишување на нов договор. Швеѓанецот има 39. години и е најдобар стрелец на Милан, а неговиот договор со клубот важи до лето.

Според зборовите на Малдини, Ибрахимовиќ ќе остане на „Сан Сиро“ уште една сезона, што значи дека и со 40. години ќе игра во Серија А.

„Со Ибрахимовиќ сме многу блиску до договор. Има само некои мали детали кои треба да ги решиме“, рече Малдини.

Милан моментално е на второто место во Серија А и е на добар пат да избори место во Лигата на шампионите идната сезона.

sportmedia.mk