Македонската кошаркарска репрезентација во ноември стартува со квалификациите за место на СП 2023 година. Во овој месец селекторот, Драган Бајиќ и неговите избраници ќе одиграат два меча, против Шпанија на домашен терен (26.11) и против Украина на гости три дена подоцна.

Во составот на нашиот најдобар национален тим за жал нема да се врати капитенот, Војдан Стојановски. Рехабилитацијата по тешката повреда на коленото засега се одвива во најдобар ред, еден од нашите најдобри кошаркари нема да успее да биде максимално подготвен за ноемврискиот прозорец.

Добра вест е што Војдан почна со тренинзи во сала, а поради тежината на повредата ќе мора да биде многу внимателен за да се врати во добро познатото светло.

Тој ќе може да им помогне на своите соиграчи во февруари, против Грузија на гости и на домашен терен.

Македонија првата фаза од квалификациите за СП 2023 година ги завршува во јули со Шпанија на гости и Украина на домашен терен.

 

sportmedia.mk