Европската одбојкарска асоцијација (ЦЕВ) го потврди и распоредот за завршницата на Европското првенство за мажи оваа година, на кое своето учество ќе по вторпат во историјата ќе го има и македонската репрезентација.
ЦЕВ ги потврди градовите каде ќе биде организирана по една група од првата фаза на првенството. Тоа ќе бидат: Талин (Естонија), Краков (Полска), Острава (Чешка) и Тампере (Финска).
Бидејќи квалификациите се уште не се завршени (продолжуваат во мај), сè уште не се познати сите учесници на ЕП. Покрај организаторите, пласман на завршниот турнир обезбедија најдобрите осум на претходното ЕП 2019, како и Летонија, Турција, Бугарија и Македонија во досега завршените квалификации.
ЦЕВ исто така потврди дека втората фаза од првенството (осминафинале и четврфинале) ќе се игра во Полска (Гдањск) и Чешка (Острава). Завршницата на шампионатот ќе биде на 18 и 19 септември со полуфиналињата и мечеви за медал кои ќе се играат во Катовице, Полска. Шампионатот треба да започне на 1 септември.
sportmedia.mk