Актуелниот вицешампион во НБА лигата, Мајами Хит продолжуваат со одличните партии во регуларната сезона. Синоќа тие на домашен терен ја совладаа Атланта со 109:99 и ја остварија шестата последователна победа.
Мајами по малку лошиот старт на сезоната ја најде својата вистинска игра и продолжи да ги „меле“ противниците на последните шест натпревари. Иако не играше еден од најважните кошаркари во тимит, Џими Батлер, „жешките“ не пропуштија да слават со одлината игра на Кендрик Нан кој постигна 24 поени, а Бам Адебајо придонесе со 16 поени и 13 скока.
Кај гостинскиот тим Џон Колинс беше најдобар кошаркар со 34 поени, а Тре Јанг постигна само 15 поени.
Возбудливо беше и на натпреварот меѓу Сакраменто Кингс и Шарлот Хорнетс, кој на крајот им припадна на Хорнетс со еден поен разлика, 126:127. Оваа вечер сигурно ќе ја памети Пи-Џеј Вашингтон, кој постави личен рекорд со 42 поени.
НБА РЕЗУЛТАТИ:
Милвоки – ЛА Клиперс 105:100
Бостон – Вашингтон 111:110
Детроит – Њујорк 90:109
Хјустон – Мемфис 84:133
ЛА Лејкерс – Голден Стејт 117:91
Мајами – Атланта 109:99
Минесота – Феникс 99:118
Сакраменто – Шарлот 126:127
sportmedia.mk
