Во пресрет на осминафиналето во Лигата на Шампионите, каде Лацио се среќава со европскиот првак, Баерн Минхен, претседателот на „лацијалите“ Клаудио Лоттито дополнително ги мотивираше своите играчи.
Имено тој им вети дека имаат да поделат премија од 3 милиони евра ако успеат да ги елиминираат “баварците“ и се пласираат во четвртфиналето во Лигата на Шампионите.
И тоа не е се, Лотито кој нашиот Пандев го врзува непријатна епизода од времето кога Ел Гранде играше за Лацио, на своите играчи им вети премија од по 400.000 евра ако неговиот тим на крајот ја освои титулата во Серија А.
Се разбира дека ова ќе биде тешко ако се знае дека во моментов „лацијалите“ се на 5.место со 9 бодови помалку од лидерот Милан.
sportmedia.mk
