Фудбалерот од средниот ред на Сасуоло Мануел Локатели е цел на неколку италијански клубови, а предничи шампионот Јувентус, но според „Кориере дело Спорт“ во трката се вклучува и Манчестер Сити, англискиот гигант кој сака да го донесе во своите редови. Наводно, „граѓаните“ имале разговор со фудбалерот и неговиот агент за расположеноста за трансфер во Манчестер, а потоа ќе се вклучат во акцијата за негов трансфер на Островот.
„Мислам дека сум спремен да играм во некој голем клуб, вклучувајќи ги и тие надвор од Италија. Ова е добра опција во мојата кариера. Зошто да не? Расположен сум за соработка ако добијат убава понуда“, изјави италијанскиот репрезентативец.
23-годишниот Локатели летото во 2019 година од Милан се пресели во Сасуоло, а стана главен играч на „зелено-црните“. Сезонава дефанзивниот играч за врска одигра 26 натпревари и постигна три гола вклучувајќи и две асистенции.
Актуелниот договор му е со важност до летото 2023 година, а според „Трансфермаркт“ неговата вредност е околу 35 милиони евра.
sportmedia.mk
