Судот кој го водеше спорот помеѓу Ливерпул и Фулам за трансферот на Харви Елиот во 2019 година, одлучи дека „Црвените“ треба да платат рекордна компензација на лондонскиот клуб поради прекршување на правилник за трансфер на малолетен фудбалер. Според англиските медиуми сумата (казната) која Ливерпул ќе ја плати може да достигне до 4,3 милиони фунти што е рекорд за 16-годишен фудбалер.
Голем дел од оваа сума се различни клаузули, кои треба да се активираат во зависност од настапите на талентираниот играч, освен тоа Фулам ќе добие и 20% од парите при евентуалната следна продажба на Елиот.
Засега Ливерпул веднаш треба да му исплати на Фулам 1,7 милиони фунти. Таа сума е загарантирана. Понатаму следуваат сумите од клаузулата кои ќе бидат исплаќани постепено. Првично Фулам побара отштета од 8 милиони за Елиот кој премина од „Крејвен котиџ“ на „Енфилд“.
A decision has been made regarding the compensation due to Fulham following Harvey Elliott’s move to Liverpool.
The award is a record amount for a 16-year-old and, in the circumstances, Fulham is very pleased and thanks the PFCC for its careful consideration of our case.#FFC
— Fulham Football Club (@FulhamFC) February 10, 2021
sportmedia.mk