Англиската фудбалска легенда, Гери Линекер, инаку сеуште голем авторитет во тамошниот фудбал, смета дека мора да има промени во начинот на кој се играат квалификациите за големите натпреварувања.
Според него не може веќе да се дозволи репрезентациите од тимот на Сан Марино, Лихтенптајн или Гибралтар да бидат дел од главната групна квалификациска фаза, и да бидат „топовско месо“.
„Ова за Англија е толку лесно, што е всушност и беслислено. Јасно е дека најлошо рангираните репрезентации, мора претходно да минат меѓусебен филтер за да влезат во главната квалификациска фаза. Мислам дека групите во кои учевствуваат ваквиот тип на репрезентации се глупави и бесмислени“ – истакна Линекер, а повод за сето ова е мечот Англија – Сан Марино кој се одигра синоќа. Истиот заврши 5:0, домаќинот водеше со 3:0 по половина час, и едноставно „стоеше“ на терен, за само да мине времето.
sportmedia.mk
