Леванте на Енис Барди вечерва му „скина“ два бода на тимот на Барселона, во битката за титулата. Иако Барса два пати водеше 0:2, и 2:3, сепак, на крајот Леванте успеа храбро да освои бод, и со тоа да покаже уште еднаш дека знае како да одигра со „Каталонците“.
Македонецот беше стартер и играше до 61. минута кога го напушти теренот. Меси и Педри донесоа водство на Барса од 0:2, а потоа за кратко време, за две минути Леванте се врати. Во 57 и 59. минута погодија Мелеро и Моралес за 2:2.
Дембеле ја врати предноста на Барселона, а во 83. минута Леон ги изненади Каталонците.
Барселона сега има еден бод помалку од Атлетико, и еден бод повеќе од Реал Мадрид, но мадридските тимови имаат меч помалку.
sportmedia.mk