Спортскиот директор на ПСЖ, Леонардо, денеска во официјална изјава потврди дека клубот работи на нови договори за Килиан Мбапе и Нејмар.
„Бев изненаден од некои работи за Килијан. Тој има свој пат. Секој пат, неговата позиција во тимот станува сè поважна. Тој веќе има одговорности, како и стабилност и јасен тек. Комуницираме со него, преговорите траат подолго време. Нашата позиција е јасна, ние знаеме што сакаме. Наскоро ќе дојде моментот кога ќе се донесе конечната одлука. Почетокот на разговорите се покажаа многу охрабрувачки“, вели Леонардо.
За новиот договор со Нејмар додава:
„Ние исто така комуницираме со него. На добар пат сме, но новиот договор сè уште не е потпишан. Нашата цел е да постигнеме договор што е можно побрзо. Истото важи и за Анхел Ди Марија и Хуан Бернат. Ние сакаме да ги обновиме договорите со сите овие играчи“.
sportmedia.mk
