Денеска и утре се играат реванш натпреварите од осминафиналето во Лигата на шампионите. Двајца македонски репрезентативци и нивните тимови на гостински терен ќе бараат место во следната фаза во најелитното европско клупско натпреварување.
Во центарот на вниманието е предводникот на нашиот национален тим, Кирил Лазаров. На гостувањето кај Келце и официјално ќе стане рекордер во ЛШ. Лазаров на претходниот меч го изедначи рекордот на Арпад Штербик по бројот на настапи во ова натпреварување, денеска тој ќе биде осамен на врвот на листата со 250 настапи.
Македонската гол-машина е број еден стрелец во ЛШ, со 250 настап ќе испише нова историја.
Нант има негатива од еден гол од првата средба со Келце, додека пак вториот македонски претставник, Никола Митревски и Порто ќе бранат победа од три гола на гостувањето кај Алборг.
sportmedia.mk